Милиция Бишкектеги мектептердин биринде шашылыш эвакуация жарыялады

Бишкек шаарында жайгашкан №13 мектептин имаратынан бомба изделүүдө. Бул тууралуу маалыматты бүгүн, 3-сентябрда Ленин РИИБинен тастыктады.

Милицияга бүгүн болжол менен саат 10:45те Москва көчөсүндөгү мектептердин биринин имаратына бомба коюлганы тууралуу маалымат түшкөн.

"Аталган окуу жайдын имараты укук коргоо кызматкерлери тарабынан курчоого алынып, жардыргыч зат изделүүдө", - деп айтылат маалыматта.

Милициядан мектептин окуучулары жана кызматкерлери эвакуацияланганын белгилеп, кийинчерээк кошумча маалымат берилерин билдиришти.