Миң-Кушта уран калдыгын ташыган унаа кырсыктады (видео)

Кечээ, 2-сентябрда Туюк-Суу – Миң-Куш – Арал жолунда уран калдыктарын ташыган унаа кырсыктады. Бул тууралуу бүгүн, 3-сентябрда ӨКМден тастыкташты.

Маалым болгондой, аталган жердин 2-чакырымында Туюк-Суу калдык сактоочу жайынан калдык ташып келе жаткан ХОВО үлгүсүндөгү унаа жолдон чыгып кетип, эңкейиш жерге түшүп, токтоп калган.

Жерине ӨКМдин жана ИИМдин кызматкерлери барышкан. Ал эми унаа токтоп калган жерде текшерүү иштери жүргүзүлүп, калдыктар жерге төгүлбөгөндүгү жана эч кандай зыяндуулук жок экени аныкталган.

Учурда жол кырсыгынын себептери такталууда.