Асан Жанышов күрөш боюнча Дүйнө чемпиону болду (видео)

Грек-рим күрөшү боюнча жаштар курама командасынын мүчөсү Асан Жанышов Испаниянын Понтеведра шаарында өтүп жаткан (U-20) Дүйнө чемпиондугунда алтын медаль утту.

Спортчу мелдешке 87 килограммга чейинки салмак категориясында катышты. Ал алтын медаль үчүн беттеште азербайжандык балбан Джоджу Самедов менен күч сынашып, жеңишти камсыздады.

Белгилей кетсек, балбан чейрек финалдык беттеште швециянын балбаны Хамза Сертканлини 7:3 эсебинде жеңип, жарым финалга чыккан. Ал эми жарым финалдык беттеште румыниялык Патрик И. Горданды 8:0 эсебинде утуп, финалга жолдомо алган болчу.

Видео: Prosports Kyrgyzstan