Бишкекте унаанын акчасын төлөбөй качкан шектүү кармалды

Бишкек шаарында алдамчылыкка шектелген жаран кармалды. Бул тууралуу бүгүн, 4-сентябрда Ленин РИИБинен билдирди.

Маалыматка ылайык, 5-мартта милицияга Ю.М. аттуу жаран арыз менен кайрылган. Ал 3-март күнү А.Р. аттуу жаран Toyota Highlander үлгүсүндөгү унааны 33 миң долларга бөлүп төлөө жолу менен сатып алган соң из жашырып кеткенин айткан.

Бул факты боюнча Кылмыш-жаза кодексинин 209-беренесинин (Алдамчылык) негизинде кылмыш иши козголгон.

Шектүү катары 1988-жылы туулган А.Р. аттуу жаран кармалып, №1 тергөө абагына камакка алынган.

"Анын ушул сыяктуу дагы төрт кылмышка катыштыгы бар экендиги аныкталды. Учурда тергөө иштери уланууда", - деп айтылат маалыматта.