Ла-Манш кысыгынан өтүүгө аракеттенген 12 мигрант чөгүп кетти

Ла-Манш кысыгында мигранттарды ташыган чакан кеме оодарылып, чөгүп кеткен кемеден кеминде 12 адам каза болду. Бул тууралуу Reuters агенттиги билдирет.

Мигранттар Британияга Кале шаарынын түштүк-батышындагы Ле-Портель француз коммунасынан сапарга чыккан. Ал эми кеме сапар башталгандан көп өтпөй талкаланган.

Жээк коопсуздугу элүүдөн ашык жаран куткарылганын билдирди. Кеминде дагы эки адам дайынсыз болууда. Жүргүнчүлөрдүн көбү африкалыктар болгон.

Буга байланыштуу, Британия жана Франциянын өкмөттөрү мыйзамсыз миграцияны тыюуга аракет көрүп келет. Лондон өкмөтүнүн маалыматына ылайык, өткөн бир жумада 2 миңден көп киши өлкөгө чакан кемелер менен келген.