Кыргызстанда ЖККУга мүчө өлкөлөрдүн аскерлери машыгууларды өткөрөт

Жамааттык коопсуздук жөнүндө келишим уюмуна мүчө өлкөлөрдүн аскер күчтөрү 3-6-сентябрда Кыргызстанда окуу-машыгуу өткөрөт. Бул туурасында аталган уюмдун маалымат кызматы билдирди.

Кабарлангандай, жамааттык күчтөр менен командалык-штабдык "Издөө-2024" жана "Эшелон-2024" атайын машыгуулары орун алат. Орусия, Казакстан, Беларусь, Тажикстан мамлекеттеринин аскерлери машыгуулар өтүүчү аймактарга жеткирилген.

Эскерте кетсек, 2024-жылы уюмга төрагалык кылган Казакстан аныктаган артыкчылыктардын бири аскерлерди (жамааттык күчтөрдү) ыкчам жайгаштырууну, анын ичинде контингенттердин тоскоолдуксуз транзитин камсыз кылуу маселелерин жакшыртуу болуп саналат.

Кыргызстандын аймагында ЖККУ аскерлеринин ар кандай жагдайларга даярдоону бириктирген комплекстүү машыгуулары өткөрүлөт.