Бишкекте жарандын 10 миң долларын алдап кеткен шектүү кармалды

Бишкекте алдамчылыкка шектелген жаран кармалды. Бул тууралуу бүгүн, 5-сентябрда Ленин РИИБинен билдирди.

Маалыматка ылайык, 4-сентябрь күнү милицияга М.Н. аттуу жаран арыз менен кайрылган. Ал 2021-жылы октябрь айында М.К. аттуу жаран Ысык-Ата районуна караштуу Люксембург айылынан жер тилкесин алып берем деген убадасы менен андан 10 миң доллар алганын, бирок кийин убадасын аткарбай изин жашырып кеткенин айткан.

Бул факты боюнча Кылмыш-жаза кодексинин 209-беренесинин (Алдамчылык) негизинде кылмыш иши козголгон.

Шектүү катары 1972-жылы туулган М.К. кармалып, убактылуу кармоочу жайга киргизилген.

Учурда тергөө иштери уланууда.