Өлкөдөгү эң мыкты мектеп аталды

Жалал-Абад облусунун Тогуз-Торо районундагы №1 Т.Мойдунов атындагы Макмал жалпы билим берүү орто мектеби быйылкы жылдын “Мыкты мектеби” болуп аныкталды. Бул боюнча Билим берүү жана илим министрлиги билдирет.

Ага ылайык, республикалык тандоо 5 этаптан туруп, жалпы 122 мектеп катышты.

Тандоо өлкөдөгү мыкты мектептердин алдыңкы иш тажрыйбасынын үлгүлөрүн, мыкты билим берүү жана башкаруу көндүмдөрүн коомчулукка жана кызыкдар мектептер арасында жайылтуу максатында өткөрүлдү.

Бишкекте 26-сентябрда тандоого катышкан жалпы билим берүү уюмдарын сыйлоо аземи өткөрүлөт.

Белгилей кетсек, өткөн жылы Ысык-Көл облусунун Тоң районундагы Ж.Бөкөнбаев атындагы орто мектеби “Мыкты мектеп” деп табылып, мектептин бир кабинети заманбап үлгүдөгү технологиялар менен жасалгаланган.