Кыргыз музыканттары Өзбекстандын эл жана эмгек сиңирген артисти болду

Кыргызстандык дирижёр жана комузчуга Өзбекстандын эл жана эмгек сиңирген артисти наамы ыйгарылды. Жарлыкка президент Шавкат Мирзиёев кол койгон. Бул тууралуу өзбек басылмалары жазып чыгышты.

Т.Сатылганов атындагы Кыргыз улуттук филармониясынын эстрадалык симфониялык оркестринин көркөм жетекчиси жана башкы дирижёру Нур Өмүрбаевге Өзбекстандын Эл артисти наамы ыйгарылды.

Ал эми өлкөбүзгө белгилүү комузчу Закирбек Дүйшөнбек уулу Өзбекстандын Эмгек сиңирген артисти болду.

Тиешелүү жарлыкка коңшу өлкөнүн президенти Шавкат Мирзиёев кол койду.