Жаңы дайындалган машыктыруучу Иран менен болгон оюндан кийин билдирүү жасады

Кечээ, 5-сентябрда футбол боюнча Кыргыз улуттук курама командасы Дүйнө чемпиондугуна тандап алуу оюндарынын алкагында Иран менен ойноп, 1:0 эсебинде утулуп калган.

Бул оюндан кийин "Ак шумкарлардын" башкы машыктыруучусу Максим Лисицын билдирүү жасады. Анда башкы машыктыруучу шакирттерине ыраазычылыгын айтты.

"Биринчи бөлүктө оюнубуз жакшы жүрүшкөн жок, бирок оюнчулар абалды оңдоп кеткени үчүн аларга ыраазымын. Оюнга өзгөртүү киргизгенден кийин, экинчи бөлүктө атаандаштын дарбазасында бир нече урунтуу учурларды жарата алдык. Бизде жакшы мүмкүнчүлүк болду, бирок аны ишке ашыра албай калганыбыз өкүндүрөт. Кожо мүмкүнчүлүктү ишке ашыра албай калды, бирок бул футбол. Кийинки оюнга даярдык көрөбүз", - деди ал.

Кийинки беттешин Кыргыз курамасы 10-сентябрда Өзбекстанга каршы өткөрөт. Оюн Бишкекте өтөт.