Жогорку кызматка барууда резюмени кантип толтуруу керек? Президент жаңы үлгүнү бекитти 

Министрлер кабинети тарабынан дайындалуучу кызмат орундарынын номенклатурасына кирген бош кызмат орундарына дайындоо үчүн талапкерлерди тандоонун алкагында резюменин жаңы форматы бекитилди. Бул туурасында президенттик администрациянын маалымат кызматы билдирди.

Маалымдалгандай, тескемеге президент Садыр Жапаров кечээ, 5-сентябрда кол койгон.

Резюменин жаңы форматы төмөнкү маалыматтарды камтыйт:

- туулган жери;

- жашаган жери;

- билими;

- биринчи иштеген жеринен баштап азыркы же акыркы кызмат ордуна чейин ырааттуу тартипте талапкердин иш тажрыйбасы.

Өлкөнүн жетекчилигине тандоо жана дайындоо үчүн талапкерлерди иликтөө максатында президенттин администрациясы резюменин жаңы форматын жетекчиликке алууну өтүнөт. Жана да туура эмес толтурулган резюмелер кабыл алынбай тургандыгын эскертет.

Үлгү катары көрсөтүлгөн резюмени шилтеме аркылуу кирип көчүрүп алса болот.