Камчыбек Ташиев улуттук курама команданын оюнчулары менен жолукту 

10-сентябрда Кыргызстан-Өзбекстан футбол боюнча Улуттук курама командалардын беттеши алдында, "Мурас Юнайтед" окуу-машыгуу базасында Кыргызстан курамасынын машыгуусу орун алды. Бул тууралуу бүгүн, 8-сентябрда Кыргыз футбол бирикмесинен билдиришти.

Маалымдалгандай, машыгуунун алдында КФБнын президенти Камчыбек Ташиев оюнчулар менен жолукту.

"Акыркы Иран менен өткөн беттеш биздин өлкөнүн курамасы Азиянын эң мыкты командалары менен тең тайлаш ойной ала тургандыгын далилдеди.

Келе жаткан оюндарда, өзгөчө 10-сентябрда Өзбекстанга каршы боло турган беттешти биз жана кураманын күйөрмандары чоң үмүт менен күтүп турат",- деп белгиледи Ташиев.