"Ар бир адам жаңылат..." Алагөзовдун эскертүүсүнөн кийин Искаков постун өчүрүп, кайрылуу жасады (видео)

Президенттин басма сөз катчысы Аскат Алагөзовдун жарандарды дин маселесине байланыштуу ар кандай "чагымчыл сурамжылоолорду" кылбоо чакырыгынан кийин жарандык активист Эртай Искаков социалдык тармакта бөлүшкөн постун өчүрдү.

Ал өзүнүн дарегине айтылган эскертүүнү кабыл алганын билдирди.

"Албетте, туура жагынан түшүндүм. Ар бир адам жаңылат, биз дагы жаңылабыз. Мамлекеттик саясат терең анализ аркылуу жасалат. Биз аны колдойбуз, башынан эле колдоп келгенбиз. Мыйзамдуулук биринчи орунда.

Достор, комментарий жазганда да этияттап жазууну суранам. Ошондой эле жалган маалыматтарды таратпайлы", - деди Искаков.

Буга чейин Алагөзов Искаковдун Фейсбуктагы постун мисал кылып, ушул сыяктуу "чагымчыл билдирүү, сурамжылоолорду" токтотуу керектигин айткан.

Белгилей кетсек, Дин иштери боюнча мамлекеттик комиссия динге байланыштуу мыйзамдарга өзгөртүүлөрдү киргизүүнү сунуштоодо. Мыйзам долбоору 30-августта коомдук талкууга коюлду.

Анда коомдук жайларда жана мамлекеттик мекемелерде адамдын жүзүн тааныганга мүмкүндүк бербеген кийимдерди кийүүгө тыюу салуу сунушу жазылган. Ошондой эле диний адабияттарды жана башка материалдарды коомдук жайларда, үй, батирлерди кыдырып таратууга тыюу салуу каралган.

Андан тышкары диний негизде партияларды жана башка саясий бирикмелерди түзүүгө, каржылоого, диний сөздөрдү партиялардын аталышында же үгүт иштеринде колдонууга, депутаттарга диний ишмердүүлүк менен алектенүүгө тыюу салынат. Диний мекемелерде саясий мүнөздөгү ар кандай иш-чараларды өткөрүүгө болбойт. Диний окуу жайдан тышкары диний сабактарды жекече окутууга жол берилбейт.

Мыйзамды бузган адамдарга 20 миң сом, юридикалык жактарга 60-65 миң сом айып пул салуу каралган.

Бул маселе боюнча 5-сентябрда президент Садыр Жапаров тиешелүү жетекчилер менен кеңешме өткөрүп, мыйзам долбоорунун макулдашылган вариантын Жогорку Кеңештин кароосуна киргизүү чечими кабыл алынган.

15:03 09-09-2024

Автор: Бек Оморбеков

Видео: Эртай Искаков

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.

Рубрикадагы соңку кабарлар

16:41 2025-06-26 Видео

Жалал-Абадда интим кызматын көрсөтүп келген кыздар кармалышты (видео)

16:05 2025-06-26 Видео

Ошто Сулайман-Тоодон өрт чыкты (видео)

15:59 2025-06-26

Ош облусунун жетекчиси Ноокат - Кызыл-Кыя жолун оңдоо иштеринен кабар алды

15:46 2025-06-26

Эртең Бишкектин айрым аймактарында суу өчүрүлөт

14:35 2025-06-26

Оштогу “Кайырма” каналынын жээгин көрктөндүрүү иштери башталды

12:40 2025-06-26 Видео

Ысык-Көлдө мыйзамсыз балык уулоого каршы рейддер уланууда

12:14 2025-06-26 Видео

Ысык-Көлдө сууга чөгүп бараткан 10 жаштагы баланы милиция кызматкери куткарып калды

11:31 2025-06-26

Кытайга данектүү жемиштерди экспорттоону камсыздоо иштерүү жүрүүдө

10:03 2025-06-26

Чолпон-Атанын борбордук көчөсү толук оңдолуп бүттү

8:35 2025-06-26 Видео

"Бошотуп койгула". Каналга сарай, тооккана, чайкана салып алгандарга мэр жеке эскертүү берип чыкты (видео)

8:11 2025-06-26 Видео

Блог: Мен көргөн Анталья: күн, деңиз, тарых жана сезимдер

8:10 2025-06-26

26-июнга карата чет элдик валюталар курсу

Рейтинг:

Комментарийлер(1)

Uri24

09.09.2024. 16:24

Тайпасы:

Комментарийлердин саны:

Катталган:

01-01-1970

Соӊку аракети:

01-01-1970 00:00

Жынысы:

Белгисиз

Динди көзөмөлгө албаса мамлекетте башаламандык орун алат. Сабатсыз динчилдер өтө көбөйдү. Булардын зыянын коомдун светтик катмары тартат. Диний атрибут, символдорго, башты чүмкөнүп жүрүүгө гана басым болуп калды. Мындай болбошу керек.

Комментарий калтыруу үчүн өз ысымыңыз менен кириңиз же каттоодон өтүңүз.