"Ак шумкарлардын" эки жеңилүүсүнөн кийин тайпадагы орду белгилүү болду

Футбол боюнча Кыргыз улуттук курама командасы Дүйнө чемпиондугуна тандап алуу оюндарынын үчүнчү турдук оюндарында өз тайпасында акыркы орунга жайгашты.

Кечээ, 10-сентябрда тайпадагы кезектеги оюндар өттү. Анда Кыргыз курамасы өз үйүндө Өзбекстанга 2:3 эсебинде жеңилди. Муну менен Өзбекстан 3 упайга ээ болсо, Кыргыз курамасы упай ала алган жок.

"Ак шумкарлардын" тайпасында учурда биринчи орунда 6 упайы менен Өзбекстан келе жатат. Экинчиде ушундай эле упай менен Иран курамасы жайгашса, үчүнчүдө 3 упайы менен БАЭ курамасы келе жатат.

Кийинки оюнун "Ак шумкарлар" 10-октябрда Катарга каршы өткөрөт. Ал эми 15-октябрда өз үйүндө Түндүк Корея курамасын кабыл алат.