V Дүйнөлүк көчмөндөр оюндары: Алыш бел боо күрөшү боюнча курама 7 медаль жеңди

Өлкөнүн алыш бел боо күрөшү боюнча улуттук курама команданын мүчөлөрү Астанда өтүп жаткан V Дүйнөлүк көчмөндөр оюндарында 7 медаль жеңип алышты. Бул боюнча Дене тарбия жана спорт департаментинен билдиришти.

Ага ылайык, кыргыз спортчулары 3 алтын, 1 күмүш, 3 коло медаль алышкан.

Эркектер арасында алтын медаль алгандар:

• Баяман Абидинов (60 килограмм);
• Ирлан Казбек уулу (80 килограмм).

Коло медаль алган спортчулар:

• Калысбек Каюмов (70 килограмм)
• Азизхан Мусабек уулу (90 килограмм).

Кыз-келиндер арасында Нагира Сарбашева 75 килограммга чейинки салмакта алтын медалга ээ болду. Нурзат Бактыяр кызы 65 килограммга чейинки салмакта 2-орунду ээлесе, Динара Камчыбекова (70 килограммга чейин) коло медаль алды.

Эске салсак, курама команда башкы машыктыруучу Каныбек Абытовдун жетекчилиги алдында мелдешке катышты.