Орусияга баңгизат жиберип жүргөн тажик жараны Кыргызстандан кармалды (видео)

Баткен облусунун Кара-Бак айыл аймагынын Тажикстан менен чектешкен жериндеги май куюучу жайдын короосунан 9 даана таңгакталган зат табылып алынган.

ИИМдин басма сөз кызматынын билдирүүсүнө караганда, алынган брикеттер “Гашиш” баңгизаты экендиги аныкталып, жалпы салмагы 9 киллограмм 120 граммды түзгөн.

Министрликтин кылмыш иликтөө башкы башкармалыгынын кызматкерлери баңгизаттар Тажикстанда туулган, учурда Чүй облусунда жашаган 1976-жылы туулган Х.Дж. аттуу жаранга таандык экендигин аныкташкан. Бул жаран баңги кылмыштарын жасап жүргөн уюшкан кылмыштуу топтун активдүү мүчөсү катары ИИМдин каттоосунда экендиги такталган.

Учурда тергөө иштери жүрүп, кармалган жаран №21 мекемесинде камакта экендиги кошумчаланды.