Алматыда автобус көпүрөдөн кулап, кичи автобустун үстүнө түштү (видео)

Автобус Каскелен көпүрөсүнөн чыгып, кичи автобустун үстүнө кулап кеткен. Бул тууралуу казак басылмалары жазышууда.

Кырсыктын кесепетинен кулап түшкөн автобустун айдоочусу жабыркап, ооруканага жаткырылган.

Бул окуя боюнча Жол кырсыгы боюнча облустук милиция кылмыш ишин козгоду.

"12-сентябрда Ютонг автобусунун айдоочусу Алматы-Бишкек унаа жолунун 25-чакырымында келе жатып, артка бурулуп, рулду башкара албай, тосмону сүзүп, андан кийин кулап кеткен. Автобус Mercedes-Benz Sprinter үлгүсүндөгү унаанын үстүнө түшкөн. Каза болгондор жок", - деп билдирди Алматы облустук ички иштер башкармалыгы.