Димаш Кудайбергендин бала кезинде жаткан бешиги музейге коюлду

Дүйнөгө белгилүү казак ырчысы Димаш Кудайбергендин бала кезде жаткан бешиги музейге коюлду. Бул тууралуу казакстандык журналист Бауыржан Бабажан уулу Facebook баракчасы аркылуу билдирди.

Анын айтымында, Казакстандын Улуттук музейинде Димаштын чыгармачылыгына арналган көргөзмө ачылган.

"Кудайберген байке бул бешикти 1970-жылы Канат Айтбаев төрөлгөндө атайын жасаткан экен. Кийин бул бешикке Димаш да бөлөнгөн. Бул ата-бала гана эмес, ушул үй-бүлөнүн 22 мүчөсүн бөлөгөн куттуу бешик! Бүгүн Улуттук музейде Димаштын чыгармачылыгына арналган көргөзмө ачылды. Көргөзмөгө келген адамдардын эсеби жок. Көпчүлүгү чет элдиктер. Көргөзмө 6-октябрга чейин уланат. Келиңиздер, көрүңүздөр!" - деп жазган ал.