УКМК Бишкекте Данияр Үсөновдун уулуна тийиштүү кафе-ресторандарды жапкандыгы айтылды

Бишкекте карамагына 11 тамактануу жай кирген “Mayram Group” ресторандар тармагы жабылды. Бул тууралуу Kaktus.media сайтынын редакциясы укук коргоо кызматкерлерине шилтеме берип жазды.

Маалыматта УКМКнын тергөө кызматы маркум Камчы Көлбаевдин кылмыштуу кирешесин адалдоо фактысы боюнча мурда козголгон кылмыш ишинин алкагында иш алып жаткандыгы айтылган. Ошондой эле бул иштин алкагында мурдагы премьер-министр Данияр Үсөновдун уулу Мурат Үсөновго эл аралык издөө жарыяланган.

УКМК жыл башында ал бир нече коомдук тамактануучу жайлардын ээси экендигин айткан. Тергөөнүн маалыматы боюнча "Асман", Social Coffee, Urban, Sushi Room, Red cow, My shisha, Aroma, Social Pizza, Season и "Тесто Место" жана башка мекемелерине түшкөн каражаттын бир бөлүгү уюшкан кылмыштуу топту каржылоого бөлүнүп турган.

Жогоруда аталган айрым тамактануучу жайлар социалдык баракчалары аркылуу кардарларына техникалык себептерден улам убактылуу жабык экендигин эскерткен.