Чүйдө мас абалында айылдашын өлтүрүп алган шектүү кармалды

Кемин районунда мас абалында адам өлүмүнө алып келген мушташка шектелип 38 жаштагы жаран кармалды. Бул тууралуу бүгүн, 16-сентябрда Чүй ОИИБинен билдирди.

Маалыматка ылайык, окуя 14-сентябрда саат 12:00 чамасында Ильич айылындагы үйлөрдүн биринин короосунда болгон. Анда 40 жана 38 жаштагы айылдаштар спирт ичимдигин ичип отурушуп мушташа кетишкен. Натыйжада 40 жаштагы жаран оор жаракат алып, Кемин районунундагы оорукананын жандандыруу бөлүмүнө жаткырылган. Жабырлануучу эсине келе албай көз жумган.

Бул факты боюнча Кылмыш-жаза кодексинин 130-беренесинин (Ден соолукка оор залал келтирүү) 3-пунктунун (Этиятсыздыктан адамдын өлүмүнө алып келсе) негизинде кылмыш иши козголгон.

Шектүү катары 1986-жылы туулган Ш.Т. аттуу жаран кармалып, убактылуу кармоочу жайга киргизилген.

Учурда тергөө иштери уланууда.