Дүйшөнбек Зилалиев 4-ноябрга чейин камакка алынды

Экс-вице-премьер-министр Дүйшөнбек Зилалиев 4-ноябрга чейин СИЗОго камалды. Бул тууралуу маалыматты бүгүн, 16-сентябрда Бишкектин Биринчи май райондук сотунун басма сөз кызматы тастыктады.

Сот Биринчи май райондук сотунун 14-сентябрдагы чечими менен УКМКнын Башкы тергөө башкармалыгынын тергөөчүсүнүн өтүнүчү канааттандырылганын белгиледи.

"З.Д.га карата тергөөнүн жүрүшүндө 4-ноябрга чейин камакка алуу чарасы колдонулган", - деп белгилейт райондук сот.

Белгилей кетсек, буга чейин Улуттук коопсуздук мамлекеттик комитети мурдагы вице-премьер Дүйшөнбек Зилалиев менен Геология жана жер казынасын пайдалануу мамлекеттик агенттигинин мурдагы директору Мелис Сатыбековду кармаганын айрым маалымат кызматтары жазып чыгышкан.