Садыр Жапаров эртең Казакстанга иш сапары менен барат

Эртең, 17-сентябрда өлкө башчы Садыр Жапаров Казакстанга иш сапар менен барат. Бул тууралуу президенттин администрациясынын тышкы саясат бөлүмүнүн башчысы Муратбек Азымбакиев билдирди.

Анын айтымына караганда, президент Жапаров Борбор Азия – Германия мамлекет башчыларынын экинчи жолугушуусуна катышат.

Тараптар регионалдык күн тартибинин актуалдуу маселелерин, анын ичинде өз ара кызыкчылык туудурган бардык чөйрөлөрдө Борбор Азия регионунун Германия менен кызматташуусун кеңейтүүнү талкуулашат.

"Садыр Жапаров Борбор Азия өлкөлөрүнүн президенттеринин Германия ишкерлери менен жолугушуусуна катышат, Германиянын бизнес коомчулугу менен өзүнчө жолугушат, ошондой эле Германиянын канцлери Олаф Шольц менен эки тараптуу сүйлөшүүлөрдү өткөрөт", - деп белгиледи Азымбакиев.