Эл аралык “Miss Cosmo-2024” сулуулар сынагына Кыргызстандын атынан Екатерина Заболотнова барат 

Кыргызстандык Екатерина Заболотнова эл аралык “Miss Cosmo-2024” сулуулар сынагына катышат. Бул тууралуу "Мисс Кыргызстан" сулуулар сынагынын уюштуруучулары кабарлады.

Маалыматка ылайык, өлкө намысын коргой турган Заболотнова бүгүн, 16-сентябрда сынакка катышуу үчүн Вьетнамга жөнөп кетти. Аталган мелдешке 70 өлкөдөн келген сулуулар катышат. Сынактын баш байгеси 100 миң доллар.

Екатерина Заболотнова акыркы 3 жылдан бери Түштүк Кореяда жашайт. Ал жакта модель болуп иштеп, Кыргызстандын атынан маданий долбоорлорго активдүү катышып келет.

Белгилей кетсек, кыргызстандык сулуу Борбор Азия өлкөлөрүнүн ичинен жалгыз катышуучу экени айтылды.