Эмгек министрлиги: "Өлкөдө 8 миңден ашык бош жумуш орун бар"

Өлкөдө 8009 бош жумуш орун бар. Бул тууралуу Эмгек, социалдык камсыздоо жана миграция министрлигинин маалыматында айтылат.

Ага ылайык, төмөнкү кесиптер боюнча бош орундар бар:

Мектепке чейинки жана мектептеги мугалимдер – 325;
Саламаттык сактоонун кызматкерлери (доктурлар, медайым, фармацевт, укалоочу жана санитарлар) – 581;
Кассирлер – 151;
Соода агенттери – 63;
Менеджерлер – 59
Бухгалтерлер – 46;
Юристтер – 25;
Экономисттер – 7;
Инженер-куруучу – 48;
Психологдор – 18;
Тигүүчүлөр – 2276;
Курулуш тармагындагы кызматкерлер (айдоочу, механик, ширетүүчү, столяр, токарь, слесарь, бетон куйгуч ж.б.) – 814;
Айдоочулар – 463;
Кызмат көрсөтүү тармагындагы кызматкерлер (чачтарач, тырмак жасоочу, официант, косметолог, кароолчу, мейман кызматчы, курьер, камкорчу, ашпозчу, кондитер, нан бышыруучу ж.б.) – 789;
Ар тараптуу жумушчулар – 2344.

Орточо айлык ушул жылдын биринчи жарым жылдыгына карата:

өнөр жай тармагында – 52 866 сом,
курулушта – 34 554 сом,
соода сатыкта – 37 601 сом,
унаа тармагында – 46 165 сом,
кызмат көрсөтүү тармагында – 27 679 сом,
финансы тармагында – 62 298 сом,
билим берүү тармагында– 25 112 сом,
саламаттыкты сактоо тармагында – 21 368 сом түзөт.

Иш менен камсыз кылуу тармагында кызматтарды алуу үчүн бирдиктүү маалыматтык борборуна Кыргызстан ичинде 1899 номерине чалып (иш күндөрү саат 09.00-18.00 чейин) маалымат алса болот.

Мындан сырткары жарандар zanyatost.kg веб-порталынан республика боюнча бош орундар менен тааныша алат жана контакты блогунан ар бир райондун даректери жайгашкан.