Токмокто мыйзамсыз менчиктештирилген бала бакча мамлекетке кайтарылды

Токмок шаарында мыйзамсыз менчиктештирилип кеткен бала бакчанын имараты мамлекеттин менчигине өткөрүлдү. Бул туурасында УКМК бүгүн, 17-сентябрда кабарлады.

Маалыматка ылайык, бала бакча 2004-жылы «КР бизнес-инкубаторлор жана инновациялык борборлор союзу» тарабынан менчиктештирилип кеткен.

"Менчик ээси "КР бизнес-инкубаторлор жана инновациялык борборлор союзунун" башкы катчысы, Кыргызстан Аялдар конгрессинин президенти А.З.А. аттуу жаран экендиги аныкталды.

Текшерүү иш-чараларынын жүрүшүндө бала бакчанын ээси социалдык объектини мыйзамсыз менчиктештирүү фактысын моюнуна алган. Ал 130 миллион сом наркындагы аянты 5375 чарчы метр жер тилкесин административдик курулушу менен кошо өз ыктыяры менен Токмок шаардык мэриясынын балансына өткөрүп берди", - деп жазылат анда.