Орусия Дүйнөлүк көчмөндөр оюндарын өткөрүү ниетин билдирди

Орусия Дүйнөлүк көчмөндөр оюндарын өткөрүү вариантын карап жатат. Мындай маалымат Орусиянын Улуттук жана олимпиадалык эмес спорт түрлөрү боюнча комитетинин Telegram каналында 17-сентябрда жарыяланды.

Уюмдун вице-президенти Игорь Павлюктун айтымында, оюндарды өткөрүүгө укук алуудан мурун жөнгө салуу планында турган бир катар маселелерди чечүү зарыл.

"Мындан тышкары биздин өлкө да көчмөндөр цивилизациясынын бир бөлүгү болгон жана өзүнүн каада-салты жана маданияты бар. Спорт – бул мелдештер гана эмес, бул – достук, урмат-сый жана тилектештик", - деп белгилеген Павлюк.

Кийинки Көчмөндөр оюндары 2026-жылы Кыргызстанда өтөрү буга чейин белгилүү болгон.