Бишкекте эл аралык форум өтүп жатат (сүрөт) 

Бүгүн, 20-сентябрда Бишкек шаарында “Органикалык Экспо - Борбордук Азия 2024” регионалдык форуму өтүп жатат.

Ага Жогорку Кеңештин депутаты Динара Ашымова, президенттин Тоолуу региондорду өнүктүрүү боюнча иш-аракеттердин беш жылдыгын ишке ашыруу боюнча атайын өкүлү Динара Кемелова, эл аралык уюмдардын жана мамлекеттик органдардын өкүлдөрү катышууда.

Иш-чарага 10дон ашык өлкөдөн 200дөн ашык эксперттер жана 50 спикер органикалык айыл чарба, экология, климат жана башка маселелер боюнча талкуулашат.

Мындан тышкары самаалыктын алкагында органикалык жана экологиялык азыктардын жарманке-көргөзмөсү өтүп жатат. Анда өлкө аймактарынан келген кол өнөрчүлөр, дыйкандар, багбандардын өндүргөн продуктылары коюлуп, дүң баада сатылууда.

Белгилей өтсөк, форум 20-сентябрдан 22-сентябрга чейин созулат.

Айыл чарба министрлиги мындай форум Борбордук Азияда биринчи жолу өтүп жатканын белгилешти.