Wildberries компаниясынын негиздөөчүсү эки киши өлтүрүүгө шектелип кармалды

Wildberries маркетплейсинин негиздөөчүсү Владислав Бакальчук эки адам өлтүрүү, полиция кызматкерин өлтүрүүгө аракет кылуу жана өзүм билемдик боюнча айыпталууда. Бул тууралуу ТАСС агенттиги жазды.

"Бүгүн эртең менен саат 07:30 чамасында Владислав Сергеевич Бакальчукка Орусиянын кылмыш-жаза кодексинин төмөнкү беренелери боюнча айып тагылды: "Эки же андан көп адамды өлтүрүү", «Киши өлтүрүүгө аракет кылуу" жана “Ээнбаштык”. Ал 48 саатка камакка алынды", - деп жазды ТАСС агенттиги.

18-сентябрда Москвадагы Романов Двор бизнес борборундагы Wildberries кеңсесинин кире беришинде атышуу болгон. Компаниянын тең ээси Владислав Бакальчук жана 20-30 адамдан турган коопсуздук тобу компаниянын кеңсесине кирүүгө аракет кылышкан.

Кийинчерээк эки адам каза болуп, дагы бирөө ооруканада экени белгилүү болгон. Бакалчуктун жактоочулары каза болгондордун үй-бүлөлөрүнө ар кандай зарыл жардам көрсөтүлөрүн айтышты.