Жалал-Абадда Барпы Алыкуловдун 140 жылдык мааракеси белгиленди

Министрлер rабинетинин nөрагасы Акылбек Жапаров Жалал-Абад облусуна болгон иш сапарынын алкагында кыргыздын белгилүү акыны Барпы Алыкуловдун 140 жылдык мааракесине арналган салтанаттуу иш-чарага катышты.

Өкмөттүн басма сөз кызматынан билдиргендей, ал өз сөзүндө бул күндү “адабият менен маданияттын майрамы” катары белгиледи. Ошондой эле XIX кылымдын аягы, XX кылымдын башы кыргыз поэзиясынын алтын доору болгонун, бул доордо Барпы Алыкулов өзгөчө орунду ээлегенин кошумчалады

Жапаров андан ары иш сапарынын алкагында Барпы айыл аймагынын Курук-Сай айылындагы кирпич чыгаруучу заводдун ишмердүүлүгү менен жана облустук мамлекеттик администрациянын жаңы имаратынын курулушу, ошондой эле Жалал-Абад мамлекеттик университетинин жаңы окуу жана административдик имараттарынын абалы менен таанышты.

Сапардын соңунда өкмөт башчы “Кыргыз Петролеум Компани” жаңы заводунун курулушунун жүрүшүн көрүп чыкты.