Казакстанда ММА мушкеринин сөөгүнүн табылышы: Полиция билдирүү жасады

Актауда мурдагы ММА мушкери Вусал Жафаровдун сөөгү табылгандан кийин Мангистау облустук ички иштер башкармалыгынын басма сөз кызматы иштин айрым чоо-жайын ачыктады. Бул тууралуу казак басылмалары жазышууда.

Мекемеден билдиришкендей, чирип кеткен дене 20-сентябрда саат 22:30 чамасында бадалдардын арасынан табылган.

"Окуя болгон жерди текшерүү учурунда маркумдун сөөгүнүн байпагынан шприц табылган. Ошондой эле маркумдун мурда каракчылык фактысы боюнча соттолгондугу аныкталган. Учурда бул иш боюнча тергөө амалдары жүргүзүлүүдө", - деп билдирди Мангыстау ШИИБинен.

Эске салсак, буга чейин Жафаровдун жансыз денеси Актау шаарындагы 3-кичи райондо таштанды контейнерлеринин жанынан табылганы маалым болгон.