Мурдагы депутат Гүлшат Асылбаева жаңы кызматка дайындалды

Экономика жана коммерция министринин орун басары болуп Гүлшат Асылбаева дайындалды. Бул туурасында Министрлер кабинетинен билдиришти.

Тиешелүү тескемеге министрлер кабинетинин төрагасы Акылбек Жапаров кол койду.

Маалыматка ылайык, ал 2023-жылдын сентябрь айынан бери Монополияга каршы жөнгө салуу кызматынын төрайымы болуп иштеп келген.

Асылбаева 2015-жылы "Өнүгүү-Прогресс" партиясынын тизмеси боюнча VI чакырылыштагы Жогорку Кеңештин депутаты болгон.