Өзбекстанда аял киши өз кызын үйгө алмашууга аракет кылды

Коңшу Өзбекстандын Самарканд шаарында 41 жаштагы аял жашы жете элек кызын саткысы келип, андан түшкөн акчага үй алмакчы болгон. Бул тууралуу Өзбекстандын жергиликтүү басылмалары жазышты.

Маалыматка ылайык, аялдын үйү жок болгон жана ага кызын үйгө алмашуу сунушу түшкөн. Аял 25 миң доллар турган үйдү тандап, анын ордуна кызын бермек болгон. Укук коргоо органдары аял 25 миң долларды ресторанда алып жаткан жеринен кармаган.

Сот иштин материалдарын изилдеп чыгып, өкүм чыгарган. Тагыраагы, кызын үйгө алмашмакчы болгон аял күнөөлүү деп табылып, 5 жыл 2 айга эркиндигинен ажыратылды. Ал жазасын күчөтүлгөн тартиптеги колонияда өтөйт.

Анын балдары мамлекеттин камкордугуна алынды.