Ош мэриясы шаар тургундарына батирлерин көзөмөлсүз калтырбоону эскертти

Оштогу муниципалдык "Жылуулук камсыздоо" ишканасынын абоненттери үчүн эки жолу жылуулук системасын текшерүү иштери жүрөт. Бул туурасында бүгүн, 26-сентябрда мэриядан билдиришти.

Маалымдалгандай, гидравликалык сыноонун биринчи этабы 28-29-сентябрь күнү орун алса, экинчи этабы 5-6-октябрь күндөрү болот.

“Жукарган түтүктөрдөн жана батирлердеги радиаторлордон суу чыгып кетүү авариялык жагдайды пайда кылышы мүмкүн. Алдын алуу максатында Кулатов, Төлөйкөн, Анар, Курманжан датка, Достук, Черемушки кичи райондорунун, Туран, Көкүмбий, Авиагородок, МЖК-2 конуштарынын, Алимбеков, Ленин көчөлөрүнүн жана Жийделик №70 үйүндө текшерүү иштери жүрөт”, - деп айтылат маалыматта.

Мэрия мындан улам шаар тургундарын батилерди көзөмөлсүз калтырбоону эскертет.