АКШ Украинага дагы 8 миллиард долларлык аскерий жардам берет

АКШнын президенти Жо Байден Украинага 8 миллиард доллардан ашык аскерий жардам берерин жарыялады. Бул тууралуу чет элдик басылмалар жазды.

Маалыматка караганда, жаңы жардамдын негизги бөлүгү - 5,5 миллиард доллар дүйшөмбүгө чейин берилиши керек. Дагы 2,4 миллиард доллар Украинанын коопсуздугуна көмөктөшүү демилгеси аркылуу берилип жатат, ал администрацияга Украина үчүн курал-жаракты АКШнын кампасынан алуунун ордуна компаниялардан сатып алууга мүмкүндүк берет.

Жардам 130 чакырымга чейинки аралыкты бутага ала алган, "биргелешкен тирешүү куралы" деп аталган так башкарылуучу бомбанын жеткирилишин камтыйт. Буталарды жогорку тактык менен атууга жөндөмдүү бомба согуштук учактардан ташталат.

Байден ошондой эле Пентагонго украиналык F-16 учкучтарын окутууну көбөйтүүнү, анын ичинде келерки жылы дагы 18 учкучту окутууну колдоону буйруду.