Жакында "Нарын" аэропортунун расмий ачылышы болот 

Нарынга "Манас" эл аралык аэропортунун төрагасы Манасбек Самидинов жумушчу комиссиянын курамында аэропорттун расмий ачылышына даярдыгын текшерип барды. Бул тууралуу кечээ, 26-сентябрда аталган мекемеден билдиришти.

Анда инфраструктурага, учуп-конуу тилкесинин абалына жана коопсуздук системаларына баа берилип, эл аралык стандарттарга ылайыктуулугу текшерилди.

Маалыматка ылайык, бул аэропорт алыскы региондор үчүн негизги транспорттук түйүн болгон советтик мезгилден бери узак тарыхка ээ болчу. СССР тарагандан кийин анын активдүүлүгү төмөндөп, модернизацияга муктаж болуп калган.

"Нарын" аэропортун жандандыруу Кыргызстандын аймактык авиациясын өнүктүрүү боюнча узак мөөнөттүү стратегиянын бир бөлүгү болуп саналат.

Бул аэропорттун калыбына келтирилиши жергиликтүү туризмди жана экономиканы өнүктүрүүдө маанилүү кадам болот", - деп айтылат маалыматта.

Белгилей кетсек, башка региондор менен түз аба байланышты камсыз кылуу менен өлкөнүн олуттуу транспорт системасы түзүлөрү күтүлүүдө. Жакында расмий ачылышы пландалууда.