Сузактагы кайра шайлоодо Алтынбек Кылычбаев жеңүүчү деп табылды

Борбордук шайлоо комиссиясы Жогорку Кеңештеги бир мандаттуу №13 Сузак округу боюнча мөөнөтүнөн мурда өткөн шайлоонун расмий жыйынтыгы чыгарылганын билдирди.

Ага ылайык, 10 миң 174 добуш топтоп, шайлоочулардын 48.32 пайыз добушун алган Алтынбек Кылычбаев жеңүүчү деп табылды.

Ал эми Медербек Сапарбаев 3 миң 280 (15.58 пайыз), Жыргалбек Сейдахматов 2 миң 493 (11.84 пайыз), Мелисбек Кошалиев 2 миң 435 (11.56 пайыз), Асилбек Арапбаев 1 миң 351 (6.42 пайыз), Юлия Лилиенталь 749 (3.56 пайыз), Бейшенбек Бегматов 212 (1.01 пайыз) добуш алышса, 134 киши "баарына каршы" добуш берген.

Эске салсак, 19-июлда БШК Сузак шайлоо округунан депутат болгон Тазабек Икрамовдун ыйгарым укуктарын өзү жазган арыздын негизинде токтоткон. Ал 17-июлда УКМКга сурак берген.