Жаза аткаруу кызматына 27 атайын кызматтык унаалар тапшырылды

Министрлер кабинети Жазаларды аткаруу кызматына наркы 50 миллион сомду түзгөн автоунааларды тапшырды. Бул тууралуу бүгүн, 27-сентябрда аталган мекемеден билдиришти.

Ага ылайык, Министрлер кабинети тарабынан ЖАКтын ыкчам-кызматтык милдеттерин өз убагында аткаруу жана материалдык-техникалык базасын оптималдаштыруу максатында 50 миллион сом акча каражаты бөлүнгөн.

Автоунааларды тапшыруу аземине юстиция министри Аяз Баетов катышып, кызматкерлерди автопарктын жаңыланышы менен куттуктап, акыркы жылдары пенитенциардык системада жүргүзүлүп жаткан реформаларга жогору баа берди.

Жогоруда көрсөтүлгөн суммага 25 даана төмөнкү унаалар сатылып алынган:

- 23 даана Chevrolet Tracker автоунаасы;

- 1 Chevrolet Cobalt автоунаасы;

- 1 даана 5 тонналык Isuzu жүк ташуучу унаасы.

Мындан тышкары тендердин алкагында 18 орундуу Мерседес-Бенц Спринтер үлгүсүндөгү 1 кичи автобус жана 1 KIA Carnival кичи автобусу сатылып алынган. Быйыл ЖАКтын автопаркы 27 жаңы унаа менен толукталды.