Жалал-Абадда дайынсыз болуп жаткан 3 жаштагы баланын сөөгү табылды

Жалал-Абад облусундагы Ырыс айылында дайынсыз болуп изделип жаткан 3 жашар баланын сөөгү табылды. Бул боюнча облустук милициядан билдиришти.

Маалыматка ылайык, милицияга баланын апасы кайрылып, 26-сентябрда 3 жаштагы уулу Т. Б. үйдөн чыгып кеткен боюнча кайтып келбегенин айткан.

Аталган факты Жалал-Абад ШИИБдин маалыматтардын электрондук журналына катталып, тергөөгө чейинки териштирүү иштери башталган.

Бүгүн, 28-сентябрда изделип жаткан баланын жансыз денеси беде талаадагы каналдын боюнда табылган. Ага ылайык, тийиштүү экспертизалар дайындалган.