Бишкекте Snow Leopard Run - 2024 бешинчи эл аралык кайрымдуулук жарым марафону өттү

Жарыш калаанын негизги көчөлөрүндө болду. "Ала-Тоо" аянтында башталып, 4,5 миңге жакын адам катышты. Катышуучулар 5, 14 жана 21,1 чакырым аралыкка чуркашты. 1,2,3 -орун алган жөө күлүктөр акчалай жана демөөрчүлөрдүн ар кандай сыйлыктарына ээ болушту.

Ошондой эле 3 жаштан 13 жашка чейинки балдар үчүн 1 чакырым, 500, 300, 100 метр аралыкка чуркоо өткөрүлдү.

Уюштуруучулар белгилегендей, Snow Leopard Run - 2024 жарым марафонунун максаты спортту жана сергек жашоо образын жайылтуу гана эмес, Кыргызстандын символу - ак илбирсти сактап калууга көңүл бурдуруу.

Жыл сайын катышууга төлөнгөн каражат ак илбирсти жана экосистеманы коргоо боюнча глобалдык программага которулуп, фотокапкан сатып алынып келет. Ошондой эле жаратылыш чөйрөсүндөгү башка муктаждыктарга жумшалат.