Судьялар кеңеши Тоң райондук сотунун төрайымын кылмыш жоопкерчилигине тартууга уруксат берди

Ысык-Көл облусунун Тоң райондук сотунун төрайымы Гүлзат Абдинасированы кылмыш жоопкерчилигине тартууга уруксат берилди. Бул тууралуу Судьялар кеңешинен билдирди.

Маалыматка ылайык, Башкы прокуратура Судьялар кеңешине Абдинасированы кылмыш жоопкерчилигине тартуу сунушун берген. Көзөмөл органынын сунушу 28-сентябрдагы жыйында каралып, макулдук берилген.

Ошондой эле президентке судьяны ээлеген кызматынан убактылуу четтетүү жөнүндө сунуш жөнөтүлгөн.

Ал Кылмыш-жаза кодексинин 343-беренеси (Опузалап пара алуу) жана 337-беренеси (Кызмат абалын кыянаттык менен пайдалануу) боюнча айыпталууда.