Эртең Бишкекте карылар күнүнө карата жарманке уюштурулат 

Эртең, 1-октябрда Бишкекте Эл аралык карылар күнүнө карата "Жүрөктөн жүрөккө" аттуу кайрымдуулук жарманкеси өтөт. Бул тууралуу Саламаттык сактоо министрлиги кабарлады.

Маалыматка ылайык, жарманкеге өлкө аймактарынан келген лидерлердин жана улгайган адамдардын өкүлдөрүнөн турган 40ка жакын өз алдынча жардам топтору катышат. Алар жүндөн, кийизден жасалган буюмдарды тартуулашат.

"Иш-чара Эл аралык карылар күнүнө жана Бүткүл дүйнөлүк жүрөк күнүнө арналып, жигердүү картаюуга жана улгайган жарандардын жашоо сапатын жакшыртууга багытталган", - деп жазылат маалыматта.

Иш-чара Эркиндик бульварындагы Курманжан датканын эстелигинин жанында уюштурулат. Жарманке 10:00дөн 13:00гө чейин уланат.