Ноокатта кен байлыгы бар 1,246 миллиард сомдук жер мамлекетке алынды (видео)

Ош облусунун Ноокат районунда менчикке өтүп кеткен 381,74 гектар жер аянты мамлекетке кайтарылды. Бул тууралуу Башкы прокуратура билдирди.

Маалыматка ылайык, Ноокат райондук администрациясынын 1998-жылдагы токтомунун негизинде Найман айыл аймагында (учурда Көк-Жар) жайгашкан "Улуу-Тоо" кенине караштуу аталган жер тилке пайдалуу кен-байлыктары (сымап) менен бирге "Р.У.Т." ЖАКтын менчигине өтүп кеткени аныкталган.

Ноокат райондук прокуратурасынын келтирген актысынын негизинде 1 миллиард 246 миллион 560 миң сомго бааланган жер аянты мамлекеттин балансына алынды.