1-октябрга карата аба ырайы

Эртең, 1-октябрда түнкүсүн Талас облусунун айрым жерлеринде, Ош, Жалал-Абад, Баткен облустарынын тоолуу райондорунда жаан жаайт. Бул тууралуу Кыргызгидромет кызматынан билдиришти.

Маалыматка ылайык, батыштан келген шамалдын ылдамдыгы секундасына 4-9 метрге чейин жетет.

Абанын температурасы

Чүй өрөөнүндө түнкүсүн +5…+10, күндүз +21…+26;

Талас өрөөнүндө түнкүсүн +4…+9, күндүз +18…+23;

Баткен, Ош, Жалал-Абад облустарында түнкүсүн +8…+13, күндүз +22…+27;

Ысык-Көл облусунда түнкүсүн +3…+8, күндүз +16…+21;

Нарын облусунда түнкүсүн +2…+7, күндүз +15…+20 градус болот.

Бишкек шаарында түнкүсүн +8…+10, күндүз +23…+25 градус жылуу болот.