Кыргызстандык калыстар U-20 Азия кубогунун тандап алуу оюндарын тейлешти

2025-жылкы жаштар арасындагы U-20 Азия кубогунун тандап алуу оюндарынын алкагында "C" жана "D" тайпасынын беттештерин ата-мекендик калыстар жана калыс жардамчылары тейлешти. Бул бүгүн, 30-сентябрда тууралуу Кыргыз футбол бирикмесинен билдиришти.

Маалым болгондой, бул тайпалардын беттештери 21-29-сентябрь күндөрү Кувейтте жана Сауд Арабиясында орун алган.

"C" тайпасына Корея, БАЭ, Кувейт, Ливан, Мариана аралдарынын курамалары киришкен. Бул курамалар ортосунда өткөн бир катар беттештерине ФИФА калыстары Нурзатбек Абдыкадыров менен Зайнидин Алимов, ФИФА калыс жардамчысы Элдияр Салыбаев дайындалышкан", - деп айтылат маалыматта.

Ал эми "D" тайпасында Сауд Арабия, Австралия, Ооганстан, Палестина, Макао курамалары ойношуп, анда ФИФА калысы Медер Тайчиев жана ФИФА калыс жардамчысы Элдос Мурзабеков тейлешти.