Бишкекте жылдын мыкты мугалимин тандоо сынагы башталды 

Бүгүн, 1-октябрда Бишкекте "Жыл мугалими" сынагы башталды. Конкурс 5-октябрга чейин уланат. Бул тууралуу Билим берүү жана илим министрлиги кабарлады.

Андагы маалыматка ылайык, сынактан биринчи орунду алган мугалимге Бишкектен батир белекке берилет.

"Конкурстун максаты – башталгыч, негизги, жалпы орто билим берүү уюмдарынын мамлекеттик жана муниципалдык жогорку кесипкөй кадрдык курамын түзүү. Ошондой эле билим берүү процессинин сапатын жакшыртууга багытталган кадр саясатын ишке ашыруу үчүн алдыңкы педагогикалык идеяларды жайылтуу, заманбап билим берүү технологияларын жана методикаларын пайдалануу боюнча натыйжалуу практикага ээ таланттуу, чыгармачыл педагогдорду аныктоо болуп саналат", - деп билдирди министрлик.

Аталган иш-чара Кара-Кыргыз автономиялуу облусунун түзүлгөндүгүнүн жана билим берүү системасынын 100 жылдык мааракесинин алкагында өтүп жатканы маалым болду.