Президент УКМК кармаган "Унаа" мекемесинин директорун кызматтан алды 

Рустам Жокоев транспорт каражаттарын жана айдоочулук курамды каттоо боюнча мамлекеттик агенттиктин директорунун милдеттерин убактылуу аткаруудан бошотулду. Бул тууралуу президенттин администрациясынан билдиришти.

Тиешелүү тескемеге президент Садыр Жапаров кол койгон.

Буга чейин Жокоев Кылмыш-жаза кодексинин 342-беренеси (Пара алуу) боюнча шектелип кармалганы маалымдалган.

Эске салсак, Жокоев 2021-жылы сентябрь айында "Унаа" мамлекеттик мекемесине директор болуп дайындалган. Быйыл март айында Транспорт каражаттарын жана айдоочулук курамды каттоо боюнча мамлекеттик агенттиктин директорунун орун басары кызматына бекитилген. Буга улай эле президенттин басма сөз кызматы ага аталган агенттиктин директорунун милдеттерин убактылуу аткаруу жүктөлгөнүн маалымдаган.