Акылбек Жапаров Орусиянын өкмөт башчысы менен жолугушту

Министрлер кабинетинин төрагасы Акылбек Жапаров Орусиянын өкмөт башчысы Михаил Мишустин менен эки тараптуу жолугушуу өткөрдү. Бул тууралуу өкмөттүн басма сөз кызматынан билдирди.

Жапаров Орусия Кыргызстандын эң жакын союздашы жана ишенимдүү стратегиялык өнөктөшү экенин айтты.

Өз кезегинде Мишустин кыргыз-орус мамилелери стратегиялык өнөктөштүктүн негизинде өнүгүп жатканын белгиледи. Ал транспорт, логистика, өнөр жай, санариптик экономика тармактарында биргелешкен долбоорлорду ишке киргизүүнү тездетүүнү сунуштады.

Тараптар күн тартибиндеги маселелердин кеңири чөйрөсүн талкуулап, соода-экономикалык жана маданий-гуманитардык кызматташуу, транспорт, энергетика, билим берүү тармактарында өз ара аракеттенүүнү күчөтүү маселелерине өзгөчө көңүл бурушту.