Эркин күрөш боюнча жаштар арасындагы эл аралык мелдеште кыргызстандык балбандар 8 алтын медаль тагынышты

27-декабрда жыйынтыкталган эркин күрөш боюнча эл аралык мелдеште кыргызстандык балбандар 8 алтын медаль тагынышты. Бул тууралуу кечээ, 29-декабрда аталган спорт түрү боюнча федерациядан билдиришти.

Маалыматка ылайык, Шералы Сыдыковдун жаркын элесине арналган мелдеште 12 салмак категориясы боюнча жеңүүчүлөр аныкталды. 8 салмакта кыргызстандыктар жеңүүчү аталса, Казакстан жана Тажикстан курама командаларынын мүчөлөрү өз командаларынын эсебине экиден алтын медаль жаза алышты.

35 килограмм салмакта - Жыргалбек уулу Арген (Кыргызстан)

38 кг - Токтогул уулу Айбек (Кыргызстан)

42 кг - Тынчтыкбеков Талгат (Кыргызстан)

46 кг - Мырзаназар уулу Бекболот (Кыргызстан)

50 кг - Кожамуратулы Канат (Казакстан)

54 кг - Жалилов Исабек (Кыргызстан)

58 кг - Орозбеков Ислам (Кыргызстан)

63 кг - Усенов Бакберген (Кыргызстан)

69 кг - Ражабов Абумуслим (Тажикстан)

76 кг - Карабек Куаныш (Казакстан)

85 кг - Айтыев Азис (Кыргызстан)

100 кг - Якубов Фируз (Тажикстан)