Ноокатта 275 орундуу мектептин курулуш иштери кызуу жүрүүдө

Ош облусунун Ноокат районуна караштуу Үч-Бай айылындагы 275 орундуу мектептин курулушу уланууда. Бул тууралуу бүгүн, 2-октябрда Мамлекеттик курулуш агенттигинен билдиништи.

Маалым бодгондой, мектептин курулушу 2022-жылы республикалык бюджеттин эсебинен башталган.

Ал эми мектеп 4 блоктон турат. Анда эки кабаттуу окуу корпус, өтмө галерея, спорттук зал, ашкана, сырткы ажаткана, кичи футбол, волейбол жана баскетбол аянтчалары курулат.

Учурда мектептин курулушу 75 пайызга бүткөрүлдү.