Бишкекте жашы жете элек кыздарды сойкулукка мажбурлаган шектүүлөр кармалды

Бишкек шаарында кыздарды интим кызматын көрсөтүүгө мажбурлаган деген шек менен 2 аял киши кармалды. Бул тууралуу бүгүн, 3-октябрда шаарыдык милиция билдирди.

Маалыматка ылайык, 24-сентябрда Бишкектин Биринчи май райондук ички иштер бөлүмүнө Абдумомунов көчөсүндө жайгашкан үйлөрдүн биринде 2 адам жашы жете элек кыздарды кыйноо жана коркутуу жолу менен интимдик кызмат көрсөтүүгө мажбурлап жаткандыгы тууралуу маалымат түшкөн.

Бул факты боюнча Кылмыш-жаза кодексинин 159-беренесинин (Сойкулук менен алектенүүгө тартуу) негизинде кылмыш иши козголгон. Шектүү катары 29 жана 19 жаштагы жарандар кармалып, убактылуу кармоочу жайга киргизилген.

Учурда кылмыш ишин тергөө иштери улантылууда.